Grappies in die bank-tou, kalender vir Krismis en luister na die Ierse kus

Goeiemôre

Ek moes hierdie week fisiek na ’n bank toe gaan, wel, twee banke, iets wat ek lanklaas gedoen het, en dit was nogal ’n dag-en-nag-situasie in terme van ervaring.

My Capitec-kaart moes heraktiveer word (nadat ek my wagwoord vergeet het) en my ma se FNB-kaart moes ook herstel word na ’n aanlyn bedrog-ervaring (wat ek steeds nie verstaan nie, en waarvoor ek geen uitklaring by die bank kan bekom nie)...