Uit die verte bel twee broers hul ma by die huis waar sy werk in Fresnaye

Hallo julle

My broer Russel is besig om kassies en rakke in te bou in die ses-by-vier-meter-eenheid wat ek vir myself op die jaart gebou het by die huis wat eens ons familiehuis was. Maar my broer kry nie klaar nie. Die mense van die buurt praat al lankal oor hom wat begin met werk by hulle en sy tyd vat.

Jy moet hom gedurig gaan soek en bel om te hoor waar hy is en wanneer hy dan nou die werk kom klaarmaak, maar die mense gló in hom en die werk wat hy moet kom klaarmaak. Hulle wil niemand anders daar hê nie. Dit is hoekom hy in aanvraag is. Dit is hoekom hy oorstap na ’n buurvrou of -man in dieselfde straat of elders in die buurt wanneer hy by jou besig is, en die buurvrou of -man vra hom om “gou” iets te kom doen vir hulle...

Deel