Verbied dié woord, droom oor reis, en tyd vir winterbolle

Goeiemôre, vriende

As ek kon, sou ek die woord “challenge” in ons Suid-Afrikaanse leksikon verbied. Ek het hierdie week geskryf oor my ses besoeke aan die departement van binnelandse sake (https://www.vryeweekblad.com/nuus-en-politiek/2022-02-17-ses-besoeke-aan-binnelandse-sake-en-ander-verhale-van-toustaan/) waar ek oor en oor moes hoor van die “challenges” wanneer dinge nie werk nie. Die stelsel. Die lugreëling. Die drukker. Die te veel mense (ja, regtig, dis blykbaar 'n geweldige challenge vir die beamptes).

Die storie is gratis, so al is jy nie 'n intekenaar nie, kan jy dit steeds lees...