Hoe meer ons weet, hoe dommer word ons

Goeiemôre vriende

Ek doen die laaste paar maande diepgaande navorsing oor die herkoms van die Boesmans en die Khoekhoen, ons subkontinent se oorspronklike mense, vir ’n komende boek. Dit vat my toe na grotte aan die Suid-Kaapse kus, soos Blombos buite Stilbaai, waar, volgens alles wat ons vandag weet, ons spesie die eerste keer so 100,000 jaar gelede goed begin doen het wat nie bloot op hulle fisieke oorlewing gemik was nie: Hulle het kuns en juweliersware begin maak.

Die begin, dus, van kultuur en spiritualiteit, die uitdrukking van sosiale, persoonlike en etniese identiteite, die kapasiteit om inligting buite die menslike brein te stoor. En dit hier aan die suidpunt van Afrika en nie, soos vele Westerse navorsers oor die jare verklaar het, in Europa of die Midde-Ooste nie...