Oor sokker langs paaie en die ‘peculiar resilience’ van ons mense

Goeiemôre

Ek doen onlangs 'n onderhoud met 'n suksesvolle Suid-Afrikaanse entrepreneur. Ons het wyd en syd gesels – onder meer oor sy arm grootwordjare in 'n township in die Oos-Kaap, die entrepreneurslesse wat hy in sy ma se sjebeen geleer het, en die trauma wat hy glo alle Suid-Afrikaners met hulle saamdra: die trauma van armoede, die trauma van misdaad en geweld, maar ook die trauma van grootword sonder “teenwoordige" ouers.  

Ek het weer aan ons gesprek gedink nou die middag, want daar was 'n ander ding wat soos 'n draad deur ons gesprek geloop het: dit wat hy die “peculiar resilience of South Africans" noem...