SUID-AFRIKANERS is al vir twee van vyf weke tuis ingevolge die inperkingsmaatreëls om die grootskaalse verspreiding van Sars-CoV-2 (die coronavirus wat Covid-19 veroorsaak) te probeer stuit. Dit neem gemiddeld tussen vyf en 14 dae vandat jy die virus opdoen voordat jy simptome van Covid-19 ontwikkel. Sou dit gebeur, hoe versorg jy hierdie persoon tuis? Wanneer gaan jy hospitaal toe? En hoe kan jy voorkom dat ander mense in die huis ook aansteek?

Wanneer moet ek vir Covid-19 getoets word?

Moenie jouself laat toets as jy nie simptome het nie, selfs al vermoed jy dat jy moontlik aan die virus blootgestel is. Jy sal nie noodwendig positief toets totdat die virus ordentlik posgevat het nie – dus in die tydperk ná infeksie, maar voordat jy begin simptome toon – en 'n vals-negatiewe uitslag kan gedrag aanmoedig wat die virus onwetend verder versprei, maan die Nasionale Instituut vir Oordraagbare Siektes (Nios)...

DEEL