Eiland se gletsergeskiedenis herskryf: Die ys het al vroeër ...

KLIMAATKANARIE IN DIE SEE

Eiland se gletsergeskiedenis herskryf: Die ys het al vroeër gesmelt

Danksy rotse en kosmiese straling het navorsers pas Marion-eiland se oergletsers en derhalwe geskiedenis herskryf. Dié spikkel land, halfpad na Antarktika, help nie net om Suid-Afrika se weer te voorspel nie, maar is ook 'n brandwag vir klimaatsverandering, skryf PIETER BOTHA.

IN Kaapstad klim hulle op 'n groot rooi skip. Die SA Agulhas II is spoggerig, 'n moderne navorsingsvaartuig wat selfs deur ys kan breek. Die groep wetenskaplikes en tegnici vaar suidoos, rigting Suidpool.

Ná 'n week en meer as 2,000 km verrys Marion-eiland uit die koue oseaan – 'n wilde en winderige plek met miljoene seevoëls, tienduisende robbe en omtrent 20 mense wat die afgelope jaar hier deurgebring het. Dit is April en die skip vertoef vir drie weke terwyl twee groepe mense op die eiland werskaf. Hulle maak die basis reg en samel data in vir studies van onder meer die klimaat, ekologie en geologie. As die skip vertrek, bly die nuwe span agter om vir die volgende 12 maande die fort te hou.

Waarom al die belangstelling in Marion-eiland? Dit is die enigste stukkie land vir duisende kilometers, so navorsing hier is noodsaaklik om te verstaan wat in die wye oseaan tussen Afrika en Antarktika aangaan. Net so is die bietjie land belangrik om die verlede uit te pluis – van die oerklimaat tot meer onlangse patrone...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.