Ons in SA kan leer van die magiese Andes en haar benydenswaardige mense

HIERDIE is die storie van die mense wat tuis is in die Andes, die  gebergtes wat dwarsoor die Suid-Amerikaanse vasteland loop, van die noordelike dele tot by die suidpunt waar dit die see in strek. Die pragtige Andes met haar sneeupieke, valleie, landskappe van woude en gras, woestyne en dorpe en stede. 

Dit is die storie van mense wat 'n lewe maak op  normale en – vir 'n Suid Afrikaner – benydenswaardige wyses. Dit is benydenswaardig, want ons het ook ons berge en natuur en valleie en pieke en dorpe en stede. 

Die storie van die Andes word in die dokumentêre Netflix-reeks Andes Magicos deur Luis Ara vertel. “Verbeel jou die krag wat die aarde moes gehad het om die Andes te skep,” sê hy. “Die berg is kragtig, en sy leer jou om die natuur te respekteer. Die berg is vol geheime en steek hulle weg."..