Liefde in ’n sopbak

SOPWEER

Liefde in ’n sopbak

Op koue, reënerige middae in die Bo-Kaap het CARIEMA ISAACS se ouma gortsop gemaak. Die resep is bewaar en opgeneem in haar nuwe boek, Spice Odyssey, wat onlangs by Struik Lifestyle verskyn het.


My ouma se gort-rooilensie-en-split-ertesop
EK kan enige tyd van die dag en op enige dag van die jaar sop eet.
Ek onthou baie koue en reënerige namiddae in die Bo-Kaap wanneer my ouma gortsop gemaak het. Ek en my boeties sou uit die reën kom, dikwels sopnat van buite speel. Ons het soos nat babahondjies gelyk wat net wag op iets warms en 'n drukkie.
Nadat ons hande gewas en droë klere aangetrek het, het ons gretig vir haar warm en vertroostende gortsop gewag. Liefde in 'n sopbak uit ouma se Bo-Kaap-kombuis.
2 koppies (500 ml) droë sopmengsel (met gort, rooilensies en split-erte)2 wonderpeperkorrels2 heel naeltjies2.5 liter water500-700 g beesskenkel of -dikrib, in blokkies gesny, met die bene in 1 prei, in skywe gesny2 mediumgroot selderystingels, gekap 3 wortels, geskraap en gerasper3 e (45 ml) tamatiepasta1 e (15 ml) seesout, of na smaak1 t (5 ml) varsgemaalde swartpeper, of na smaak ʼn hand vol vars pietersielie, grofweg gekap 2 e (30 ml) alfabetnoedels (opsioneel)
1. Gooi die sopmengel in ’n groot pot, voeg die wonderpeper, naeltjies en 1 liter water by, en laat kook oor 'n hoë hitte vir sowat 40 minute.
2. Roer die beesvleis, groente, tamatiepasta en sout en peper by.
3. Voeg nog 1 liter water by, en laat kook oor 'n hoë hitte vir 15 minute. Draai die plaat af na matige hitte en laat kook vir nog 20 minute.
4. Maak seker die sop is dik, en proe of daar genoeg sout en peper in is.
5. Voeg die pietersielie en alfabetnoedels by en die laaste 500 ml water.
6. Kook nog 20 minute oor matige hitte.
7. Verwyder van die hitte, proe weer, en sit stomend warm voor.
GENOEG VIR 6
Kok se wenk Jy kan enige snit beesvleis gebruik, maar ek verkies dikrib, met been en al. Dit bevat heelwat bindweefsel, waaronder kollageen, wat gedurende die gaarmaakproses gedeeltelik smelt. Dit maak dié snit ideaal vir oondrooster, stowe, bredies en sop. Die murg in die bene is ryk aan voedingswaarde en yster, en gee die sop 'n botterige, neuterige geur.

Registreer gratis om hierdie artikel te lees.

Die meeste van ons artikels is slegs vir ons intekenaars, maar hierdie een is gratis solank jy registreer.

Reeds geregistreer? Kliek “Meld aan” om voort te gaan

Vrae of probleme?
E-pos [email protected] of skakel 0860 52 52 00.

X