“Ons het titels gekies wat ’n nuwe perspektief bied op die geskiedenis, wat splinternuwe persoonlike ervarings deel, wat gevestigde menings aanvat en nuwe gedagtes oor selfs ouer temas na vore bring,” verduidelik die boekwinkel.
Onder hierdie jaar se Homebru-boeke is Milner (Richard Steyn), Die Anglo-Boereoorlog in kleur (Tinus le Roux) en Stop Me If You Can (Paul O’Sullivan), asook Spoilt Ballots (Matthew Blackman en Nick Dall). Dan is daar Hermann Giliomee se opgedateerde uitgawe van Nuwe geskiedenis van Suid-Afrika.
Vir onverwagte insig op die makabere Duiwelsdorp-moorde, lees gerus super-polisieman Ben Booysen se nuwe boek, Op die duiwel se spoor – of volg eerder fiktiewe misdade in Rudie van Rensburg se Monster.
As die feite te veel raak, kan jy ook inspirasie vind in titels soos Here Be Dragons (Richard Mulholland), Masters of Money (KC Rottok Chesaina), Goodnight Golda (Batya Bricker met Ilana Stein) en Mensches in the Trenches (Jonathan Ancer).
Jackie Phamotse se boek Bare IV: Mercy en Haji Mohamed Dawjee se Here’s the Thing is ook op die inkopielys.
En vir die kinders is daar ’n goeie verskeidenheid titels, insluitend Sal ’n skilpad op jou piepie? deur Jaco Jacobs. (Ja, blykbaar sal hy.)
Om kommentaar te lewer op hierdie artikel, registreer (dis vinnig en gratis) of meld aan.
Lees eers Vrye Weekblad se Kommentaarbeleid voor jy kommentaar lewer.