LESERSBRIEWE | Musiekapartheid

REËNBOOG-BLUES

LESERSBRIEWE | Musiekapartheid

Die Afrikaanse musiekbedryf kan 'n rol speel om mense nader aan mekaar te bring.


DUIDELIK raak Riku Lätti belangrike issues aan in sy skrywe. Ook baie kontensieuse issues.
Ongelukkig, na my mening, weerspieël die feit van die nuwe/voortgesette (?) “musiekapartheid” waaroor hy skryf in 'n groot mate die gang van sake in die post-reënboogperiode wat verwikkelinge in Suid-Afrika al die afgelope dekade of wat kenmerk.
Die versplintering van die reënboog vind gestalte op verskeie terreine in Suid-Afrika: politiek, ekonomie, kultuur, taal, gebrek aan rasseversoening en wedwersydse rassetoenadering; jy noem dit …
Dis baie hartseer en 'n mens kan maar net saam met Riku hoop dat juis die Afrikaanse musiekbedryf die reënboogideaal weer sal kan laat herlewe.
Musiek/kuns behoort myns insiens júis die terrein te wees waar al die kunsmatige skeidslyne nie 'n vastrapplek behoort te kry nie. So as die afbreek van kunsmatige skeidslyne nie van bo af bewerkstellig kan word nie, laat dit dan juis van onder af bevorder word vanuit ons skeppende gemeenskap.
Baie van ons kan nie wag om weer op 'n breër basis/met meer verskeidenheid deur ons land se ongelooflike musiektalent betower te word nie. – Piet du Plessis
(Geredigeer)

Registreer gratis om hierdie artikel te lees.

Die meeste van ons artikels is slegs vir ons intekenaars, maar hierdie een is gratis solank jy registreer.

Reeds geregistreer? Kliek “Meld aan” om voort te gaan

Vrae of probleme?
E-pos hulp@vryeweekblad.com of skakel 0860 52 52 00.

X