Klimaatskrisis: Wys die vinger vir die wat die aarde vertrap

“Die toekoms is die dood. Ons is besig om onsself en ons planeet dood te maak omdat ons van fossielbrandstof afhanklik is. Daar is geen manier waarop ons die yssmelting aan die poolstreke meer kan voorkom nie. En baie min mense is bereid om dit te sê.”

Só sê emeritusprofessor Mayer Hillman van die Universiteit van Westminster wat een van die wêreld se voorste kenners op die gebied van klimaatsverandering, vervoer en gesondheid is.

Hillman is 86 jaar oud. Die kans dat hy die algehele vernietiging van die planeet aarde gaan gade slaan, is dus skraal, maar dit keer hom nie om aan te hou veg teen die katastrofe wat op ons wag nie...