Dís hoekom ons ’n grondhervormingsfonds nodig het

IN die vorige artikel (https://www.vryeweekblad.com/menings-en-debat/2019-08-22-suid-afrika-kan-nie-sy-tyd-vat-met-grondhervorming-nie/) in dié reeks het ek 'n spesifieke rol vir kommersiële boere en ander grondeienaars uitgelig: Hulle kan grond skenk in ruil vir sekere aansporings- en erkenningsmeganismes.

Dit is wel onregverdig dat boere al die verantwoordelikheid vir die proses van grondherverdeling moet dra. Wit boere is nie al wit mense wat deur die ou bestel bevoordeel is nie en die meeste van diegene wat uit apartheid munt geslaan het, bly in stedelike gebiede.

Die presidensiële adviespaneel oor grondhervorming het 'n grondhervormingsfonds voorgestel sodat die las meer eweredig verdeel kan word. Dié fondskonsep is die kern van die paneel se verslag en word in detail daarin bespreek...