Hoe om ’n sinvolle gesprek te hê

'n Kollega kom sit nou die dag in my kantoor. Hy wil weet wanneer ek nou 'n definitiewe standpunt gaan inneem oor die grondonteieningskwessie. Ek was effens onkant gevang, want ek was onder die indruk dat ek my standpunt redelik duidelik (en openbaar) kommunikeer. Hoe nou? was my vraag.

Verdere gesprek het dit duidelik gemaak dat die kollega wil hê ek moet my skaar by een van die uiterste standpunte, en meer van ’n dogmatiese benadering moet volg: of ek is vír die nasionalisering van grond, of ek is téén enige staatsinmenging. Óf ek sê: onteiening sonder vergoeding moet gebeur, óf ek vereis 'n reël van volle markwaarde in elke geval.

In die afwesigheid van só 'n dogmatiese besluit word enige ander besluit geklassifiseer as “geen standpunt”. 'n Standpunt sonder hoofletters, uitroeptekens en hashtags kan tog nie 'n volhoubare standpunt wees nie…..

Deel