Eskom se arbeidsgeskille gaan dié nuwe ruiter dalk bloots ry

WERKNEMERS van die SAA het met die afgelope staking ’n nederlaag gely. Hulle het niks meer gekry as die 5.9% wat hulle op die vooraand van die staking aangebied is nie en moes die aftog blaas nadat hulle ’n week se lone verloor het. By Eskom gaan probleme nie so vinnig uitgestryk kan word nie.

Die NUM en Numsa beplan ’n verwelkomingspartytjie vir André de Ruyter op 15 Januarie 2020, sy eerste dag op kantoor as uitvoerende hoof. Dit sal beslis ’n geesdriftige affêre wees, maar ondanks die groot fokus op Eskom in die openbare sfeer was daar tot nog toe byna geen interaksie tussen werknemers en die bestuur óf regering oor hul gedeelde toekoms nie.

Besighede en diegene wat ten gunste van ekonomiese hervorming is, het met goedkeuring toegekyk hoe die SAA-staking sigself uitspeel. Die regering het voet by stuk gehou, was konsekwent rakende sy “tot hier toe en nie verder nie” en het die dispuut aan die SAA-bestuur oorgelaat om op te los...

Deel