Stop akademiese verval en tree op teen dié wat geweld op ...

STUDENTEBETOGINGS

Stop akademiese verval en tree op teen dié wat geweld op kampusse aanblaas

Slegs met politieke steun sal rektore ferm kan optree teen brekers van infrastruktuur en intellektualiteit, skryf FARIEDA KHAN.

TALLE Suid-Afrikaanse universiteite is die laaste paar weke weer eens in ’n bekende chaos gedompel met studente-aktiviste wat uit woede betoog oor kwessies soos historiese skuld en ’n gebrek aan verblyf. Dit lyk asof nie net die ontwrigting van registrasie en klasse die norm geword het tydens betogings nie, maar ook die verwoesting van universiteitseiendom, brandstigting en openbare geweld.

In Februarie is talle geboue, waaronder ’n MIV-ondersteuningsentrum, van die Universiteit van KwaZulu-Natal (UKZN) aan die brand gesteek. Betogers het klasse heeltemal tot stilstand geruk en R31 miljoen se skade op die kampus aangerig.

By die Durbanse Universiteit van Tegnologie het studente vuurwerk na sekerheidswagte gegooi; op die kampus van die Nelson Mandela-Universiteit in Port Elizabeth is vier studente in hegtenis geneem nadat hulle na bewering ’n hofbevel wat gewelddadige betogings verbied, geïgnoreer het. Te midde van die chaos en intimidasie het sake tot ’n nuwe laagtepunt gedaal toe ’n student by die UKZN ’n bejaarde akademikus, emeritus professor Erwin Brüning, fisiek aangerand het. ’n Beloning is uitgereik vir inligting wat sal lei tot die skuldige se arrestasie, maar nie ’n enkele brokkie is tot dusver aangemeld nie. Dit in ’n situasie waarin mense toenemend dink hulle sal ongestraf bly en geen verantwoordelikheid hoef te aanvaar vir hul onwettighede nie. Wat ’n mens laat wonder: Hoe het ons by hierdie punt uitgekom?..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.