POLITIEKE NOTABOEK | Witmonopoliekapitaal steek die RET-kommando in die skande

OPSIGTELIK afwesig in die lys van rykes wat groot bedrae geld vir Suid-Afrika se stryd teen Covid-19 geskenk het, is die EFF-miljoenêrs (die tenderpreneurs, dié wat miljoene by die VBS Bank gesteel het, asook Dali Mpofu wat 'n goue handdruk van R15 miljoen by die SABC gekry het, ensovoorts), die maatskappye wat by staatskaping baat gevind het (Trillian, Regiments Capital en kie), Jacob Zuma se groot skenkers (Roy Moodley, Toshan Panday, Vivian Reddy, die Broers Gupta), Zuma self, sy miljoenêr-seun Duduzane, en mediamagnaat Iqbal Survé en sy Sekunjalo Investments.

Onder dié wat wel ruim bygedra het, is die poster boys van witmonopoliekapitaal: Johann Rupert, sy familie en van sy maatskappye (R2 biljoen), die Oppenheimer-familie (R2 biljoen) en Naspers (R1.5 biljoen).

Net laas week het die RET-koor se rasieleier, Carl Niehaus, verklaar dat die Guptas nie die werklike staatskapers was nie: “We continue to be captured by the likes of the Ruperts, the Oppenheimers, the Christo Wieses, the Stephen Koseffs, the Brian Joffes, the Koos Bekkers, the Stellenbosch mafia, and their companies”...