ANC kan nie bekostig om Ramaphosa te vervreem nie

EK kan nie nou dink aan ’n nasionale leier of president wie se ondergang so druk bespreek is in die eerste momente van sy verkose ampstermyn as Cyril Ramaphosa s’n nie. Soos Mail & Guardian onlangs berig het, is hy die leier van ’n party in krisis. Dit is nie ’n omstrede punt om te maak dat die ANC ’n instelling deurtrek van korrupsie geword het nie.

Byna 50% van die lede van die nasionale uitvoerende komitee (NUK) van die ANC behoort gevra te word om hulself aan die nasionale vervolgingsgesag (NVG) te verduidelik. Die sogenaamde topses in Luthulihuis is eintlik maar ’n politieke skandvlek op die bevrydingsparty, en soos Max du Preez ’n week gelede in hierdie koerant aangedui het, is daar nie werklik ’n sterk, betroubare en eerbare kern in die kabinet om die verantwoordelikheid van leierskap met Ramaphosa te deel nie.

Onder hierdie omstandighede is dit maklik om te dink dat Ramaphosa se politieke rakleeftyd bedreig word. Die uitgestelde mosie van wantroue in die nasionale vergadering is ’n voorstel van die ATM-gemeente, waarskynlik op aandrang van die politieke aspoester Mzwanele Manyi. Maar die ontydige vervlakking van die voorstel is eintlik benede die waardigheid van Ramaphosa, so ondenkbaar as wat dit sou wees vir Nelson Mandela en Thabo Mbeki. Dit is iets waarmee die presidentskap van ’n politieke struikrower soos Jacob Zuma geassossieer word. Thandi Modise het blykbaar vir ’n bekende Afrikaanse politieke ontleder gesê sy vermoed – of weet – dat die mosie van wantroue in die president via die ATM vanaf Supra Mahumapelo en Ace Magashule kom. Ek vermoed sy is reg. Praat van lewe in ’n vark blaas...