Is daar ’n entstof teen korrupsie?

REG EN VERKEERD

Is daar ’n entstof teen korrupsie?

Toe die inperking begin het, moes ons sommer ook begin het om politici en amptenare teen korrupsie in te ent, skryf CELESTE CAMPHER.

EK het onlangs 'n kort video gekyk van Zarah Sultana wat gedeel is in een van die vele WhatsApp-groepe waarin ek geforseer is om te wees in my poging om in verbinding te bly met familie, onderwysers, ander ouers, kollegas, en andere wat bekend en onbekend is. Ek kyk eerlikwaar baie selde hierdie video's, behalwe as dit van een van my base kom, want dan is dit waarskynlik iets wat ek behoort te weet. Maar om een of ander rede het ek hierdie video gekyk wat my pa gedeel het. Hy het dit sy missie gemaak om so veel as moontlik video's te deel as bron van inspirasie en inligting vir hierdie maandelikse meningstukke. 

Sultana is 'n 27-jarige en is 'n politikus van die Britse Arbeidersparty sedert 2019. In hierdie video ontleed sy in 'n Britse parlementêre sessie hoe sekere politici van die Konserwatiewe Party en parlementslede die Covid-pandemie gebruik om munt te slaan uit verskeie tenders vir persoonlike beskermingsdrag in Brittanje. In haar sagte tirade noem sy dat maatskappye met politieke kontakte tien keer meer geneig is om hierdie tenders te kry as diegene wat nie politieke kontakte het nie. 

Van die aantygings wat sy maak, is skokkend, soos die een oor die tender van £252 miljoen vir maskers wat nooit gebruik is nie wat toegestaan is aan 'n privaat ekwiteitsmaatskappy waarvan 'n lid van die Konserwatiewe Party 'n direkteur is. Sy noem ook 'n kontrak van £163 miljoen vir persoonlike beskermingsdrag wat toegeken is aan iemand wat geld skenk aan die minister in beheer van die aankoop van beskermende drag, en boonop spesialiseer hierdie persoon se maatskappy in huis- en skoonheidsprodukte. Dis maar net twee voorbeelde van die kontrakte wat sy noem, en ek is seker daar is nog talle. ..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.