Koue oorlog in Herfsland (’n ware sprokie)

HERFSLAND was bont en pragtig. Die land was bekend vir sy bome wat die stede soos pelswerk verprag het. Die blare op die bome het gereeld van kleur verander. Waar dit eers tien soorte groen was, sou dit sommer in skitterende skakerings van geel, oranje en bruin omwissel. So merkwaardig was die kleurveranderings op die bome dat toeriste gereeld Herfsland toe gekom het om dit te aanskou. Behalwe vir die bome, was Herfsland ook berug vir die uitspattige truie wat mense daar gedra het. Schalk Bezuidenhout sou daar skaars ’n tweede blik waardig wees. Die woljersies was dan ook Herfsland se grootste uitvoerproduk.

Die mense van Herfsland was baie intelligent, al moes hulle dit self sê. Hulle het dit baie geniet om te stry; dit was tegnies die nasionale sport. Tog, tussen die gebreiery en gestryery was daar twee feite waaroor niemand ooit baklei het nie:

Een: Mense het op dieselfde tyd truie begin dra...