Cyril se krag-besluit bewaar die skyn van ideologiese vyandigheid

DIE afgelope week het ek 'n brief van 'n swaargewig-regsfirma in Johannesburg ontvang. Hul kliënt, 'n groot kanon in die bemagtigingsekonomie, maar ook 'n ekonomiese mededinger in eie reg, is erg omgekrap omdat ek in die media gesê het pres. Cyril Ramaphosa  het in die voorafgaande weke met hom en ander rolspelers vergader. 

My bewering was dat dié gesprekke daartoe gelei het dat die president sy minister van minerale en energie oortuig het om wysigings te maak aan die beleid vir privaat kragopwekking. Die kliënt is een van die entrepreneurs wat op massiewe skaal in groenenergie belê en staan ook aan die hoof van 'n beduidende deel van die mynbedryf. Dat hy en ander rolspelers geraadpleeg sou word, klink na die mees logiese en natuurlike waarskynlikheid denkbaar. 

Maar dit was nie hoekom hy op my radar beland het nie. Hy is nog nooit by enigiets opportunisties betrek waarvan ek weet nie en sy teenwoordigheid in die ekonomie was nog nooit omstrede nie. My bron, wat normaalweg baie betroubaar is, vertel my egter die ongedurige sakeman, soos baie ander diknekke in die sakewêreld, het wel met die president vergader. ..

DEEL