Die logika van die chaos

ORDE EN METODIEK

Die logika van die chaos

Die afgelope week se geplunder is nie noodwendig gedryf deur die RET-staatskapers nie, maar deur die informele mark wat sigself inwurm waar staatsgesag kwyn, skryf PIET CROUCAMP. Kyk net na die spoorwegnetwerk wat weggedra is en die myne wat gezama-zama word – die formele waardekettings is onder beleg.

DALK moet ek begin deur my hipotese vir die oorsaak van die afgelope week se spontane ontbranding van Suid-Afrika se geweldspotensiaal op die tafel te plaas. Wat ons die laaste paar dae met afgryse gade geslaan het, was die informele politieke ekonomie van Suid-Afrika se aanval op die waardekettings van die formele ekonomie.

Daar was arm en honger mense onder die plunderaars, maar die blaam kan nie primêr voor die deur van armoede gelê word nie. Die middelklas, laer middelklas, werkersklas en studente het ook deelgeneem. Aanvanklik is drankwinkels en kruideniersware geteiken. Stropers het te voet toegeslaan en in sakke weggedra wat hulle kon, maar mettertyd het die werkswyse 'n geordendheid tipies van 'n informele mark begin toon.

Huishoudelike toestelle is in bakkies en bussies weggery en die groot pakhuiswinkels van Game en Makro is gestroop in die afwesigheid van die gereg en met die gelatenheid van normaliteit. Bitter min wat geplunder is, sal hul pad vind na die kombuise en sitkamers van armlastiges. Dit is bestem vir die waardeketting van die informele ekonomie...

Slegs Vrye Weekblad-intekenare kan hierdie artikel lees.

Teken nou in vir volle toegang tot alle Vrye Weekblad-inhoud.

Reeds ’n intekenaar? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe) of stuur 'n e-pos aan hulp@vryeweekblad.com.