IN een van sy skuimbek-tirades in Oktober verlede jaar het Julius Malema, leier van die EFF (ek veronderstel aan wit mense), gesê: “Vir hulle apartheid, vir hulle verkragting, vir hulle moord. Wanneer hulle om verskoning vra, moet hulle dit op die Afrika-manier doen. Ons het beeste nodig … ’n sinoniem vir geld. Hulle moet ons biljoene en biljoene betaal.”

Al wat wit mense dus volgens Malema hoef te doen, is om “biljoene en biljoene te betaal”. Die beter engele onder ons sal waarskynlik hierdie stelling sien vir presies wat dit is: die opruiende retoriek van ’n man wat daarop floreer om die emosies van ontevrede mense te manipuleer.

Dieper vrae moet gevra word. Onder die eerste hiervan is: Wat presies sal met die “biljoene en biljoene” gedoen word? Buiten dat dit bloot die sakke van die elite sal vul (Europese regerings het oor die afgelope ses dekades en meer biljoene en biljoene na Afrika gestuur), moet daar ’n formele, gestruktureerde en doelgerigte plan wees om besteding te bestuur indien daardie “biljoene en biljoene” wel oorhandig word...

DEEL