ONS, die mense van hierdie land, vergeet tog so maklik. Of dalk gebeur daar net so baie dat ons nie te lank by een gebeurtenis kan talm nie; dat ons genoop word om te bly beweeg, vorentoe te stu, aan te kap.

Ook die aand van 14 Oktober – toe nagenoeg 60 selfverklaarde “vryheidstryd-oorlogsveterane” twee ministers en ’n adjunkminister gyselaar gehou het – het al byna in die niet verdwyn.

Dit behoort ons te bekommer. Maar dan is dit ook nou so dat die betrokke ministers – dié van verdediging en militêre veterane, Thandi Modise, en die minister in die presidensie, Mondli Gungubele – die drama afgemaak het as niks ernstigs nie; dat hulle maar net moes knyp omdat hulle nie toegelaat is om die badkamer te gebruik nie...