Lindiwe Sisulu, die Grondwet en ubuntu

MET die 8 Januarie 2022-verklaring van die ANC gryp pres. Cyril Ramaphosa weer na die politieke strooihalm dat onteiening sonder vergoeding in 2022 tot wasdom gedryf sal word.

Elke siel met ’n frontale lob weet dat hy óf lieg soos ’n politikus óf ’n dieper ideologiese punt sonder substansie wil maak. Die ANC se beleid oor grondhervorming verwys na onteiening wat die waarskynlikheid van nul vergoeding insluit, iets heeltemal anders as wat die president se woorde impliseer. Hoekom verdraai Ramaphosa die waarheid ter wille van persoonlike politieke belang?

Die rede dat weinig grondhervorming die afgelope 27 jaar plaasgevind het, het alles te doen met die feit dat die ANC in ideologiese teenstrydighede vasgevang is – en nié omdat enigiemand of politieke party in die nou veraste nasionale wetgewer dit vir hulle moeilik gemaak het nie. Die ANC het die EFF se standpunt oor onteiening sonder vergoeding by elke moontlike geleentheid ondermyn...

Deel