Praat vir jouself

LESERS SE MENINGS

Praat vir jouself

Wat julle, die lesers, tot dusver van Vrye Weekblad 3.0 dink.

Ek voel hulpeloos en hopeloos oor Jacob Zuma en sy trawante. En is as gewone Suid Afrikaner magteloos om enigiets daaraan te doen. Sê vir Karyn Maughan en Billy Downer ons staan bankvas agter hulle. Maar dan nét wanneer ek my hande omhoog gooi om moed op te gee, lees ek Antjie Krog se gedig. Só mooi.
– Elize Gouws

Ek en Juliana is hier om vir die naweek ons eerste en enigste ses maande oue kleinseun op te pas terwyl ons seun en sy vrou troue hou soos net die jeug kan. Ons is twee bevoorregte afgetrede oues (so net verby 60) wat in Vermont in ons huisie bly. Juliana smokkel nog met mense se koppe op onewe dae (soos in berading) en griffel aan nog ’n boek. Ek hou die huis en kombuis aan die kook. En sien om na die vriendekring se gebreekte goeters. Ons is verder ook baie bevoorreg dat albei ons seuns nog in die RSA is, en boonop in Kaapstad bly. So ons leef Koos Kombuis se droom van ’n huisie by die see. As ’n weeklikse leser van VWB wil ek tog vra oor onafhanklike politici, veral nadat ek vanoggend Albertus van Wyk se artikel gelees het, en voel ek soek saam met hom na ’n nuwe heenkome. Miskien is dit die iesegrimmigheid van ouer word, maar ek het my vertroue in politieke partye verloor – ek sien geen bewyse dat dit gaan oor die beswil van die mense nie. Kan een van jul slim manne nie miskien iets skryf oor onafhanklikes nie? Want dit wil voorkom of ons daardie keuse mag hê in die volgende verkiesing.
– Stephan Coetzer

Ek geniet VWB oor die algemeen, veral die meestal goeie en suiwer gemaklike Afrikaans. Wat vir my irriterend is, is die halsstarrige gebruik van biljoen in plaas van miljard. Sover ek weet, is miljard die aanvaarde term. Waarom die halsstarrigheid? Terloops, ek loop nie maklik Max en Piet Croucamp se nugter artikels mis nie, veral omrede dit nie altyd met my siening ooreenstem nie. Gaan so voort. Ek mis ook nie maklik Erika Gibson se artikels nie. Wat het van C. Louise Kortenhoven se satiriese artikels geword? Sy het my gereeld met ’n slap riem gevang; sy is briljant.
– Hans Kriek..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.