DIE begrafnis van pres. Andrew Jackson van Amerika in 1845 is erg ontwrig toe sy geliefde Afrika-gryspapegaai, Poll, kliphard begin swets het.
Eerw. William Norment het gedokumenteer dat Poll opgewonde was oor al die mense “and let loose perfect guts of cuss words”. Hy het die papegaai laat verwyder, want die begrafnisgangers was “horrified at the bird’s lack of reverence”. (Fox News het toe nog nie bestaan nie.)
Meer onlangs het vyf gryspapegaaie wat deur verskillende eienaars aan die Lincolnshire Wildlife Park in Engeland geskenk is, mekaar begin aanstook om vreeslik te vloek. Hulle het later ook op besoekers begin vloek, wat met hulle eie swetsery geantwoord het, totdat die owerhede ordentlikheidshalwe die voëls uit die openbare oog verwyder het.
Om kommentaar te lewer op hierdie artikel, registreer (dis vinnig en gratis) of meld aan.
Lees eers Vrye Weekblad se Kommentaarbeleid voor jy kommentaar lewer.