Die nuwe etiket: 39 opgedateerde reëls

Bly bedagsaam

Moenie vra wanneer iemand van plan is om kinders te hê, of hul egskeiding hul kinders affekteer, of kommentaar lewer oor iemand se gewigsverlies nie. Dit is nie jou besigheid nie. Straight mense wat na hul “lewensmaats” verwys, is pynlik pretensieus.Moenie die persoon wees wat die stoel langs die paadjie deps en dan geïrriteerd raak as iemand badkamer toe wil gaan nie.Byt op jou lippe voordat jy raad oor ouerskap aan enigiemand uitdeel (ook aan jou eie kinders, of miskien júís aan jou eie kinders).Vat altyd jou winkeltrollie terug. Moenie dit net in die parkeerterrein los nie. En om 'n klein fooitjie aan die trolliejoggie te gee, is die regte ding.Laatkom is die uiterste onbeskoftheid. Wees betyds, altyd. En as jy laat raak, SMS of WhatsApp. (Vir die rekord, enigiets later as 10 minute vir 'n een-tot-een afspraak is onbeskof.)As iemand jou 'n storie begin vertel wat jy al voorheen gehoor het, laat weet hulle gou met 'n ligte opmerking: “Dit is so snaaks/verskriklik/aaklig … ek onthou, jy het my gesê.” As jy wag tot halfpad in die storie, neem maar verlief en luister weer.As jy siek is, bly tog by die huis. Jy is nie so belangrik dat jy jou siek lyf werk toe moet sleep en ander siek maak nie. En moenie op 'n vliegtuig klim as jy hoes en proes nie. As jy regtig moet, dra ten minste 'n masker. En om in jou elmboog te hoes of nies bly die beste praktyk. Post-Covid is onbedagsaamheid oor 'n aansteeklike siekte die ergste soort taboe en uiters onmanierlik.
Etes en die rekening verdeelThe Guardian (https://www.theguardian.com/lifeandstyle/article/2024/jul/21/the-new-etiquette-56-ways-to-do-the-right-thing) reken dat dit eintlik goeie maniere is om 'n bietjie laat te kom vir 'n aandete: “As jy genooi word vir aandete om agtuur, is 20:13 die heel vroegste wat jy kan opdaag; vroeër as dit sal jou gashere (wat nog aantrek, goed in kaste stop, stry) maak asof hulle nie die deurklokkie gehoor het nie."As jy in 'n groep is wat uitgaan vir ete, verdeel om hemelsnaam net die rekening gelykop. As jou vriende nie daarvan hou nie, kry ander vriende. Daar is natuurlik uitsonderings tot die reël. As jy 'n bottel wyn of 'n duur skemerkelkie gedrink het terwyl die ander nie het nie, bied aan om daarvoor te betaal. Weereens gaan goeie maniere oor vrygewigheid en bedagsaamheid. As daar 'n groot gaping tussen jou verbruik en die res is, bied aan om jou deel te betaal. En as jy weet iemand in jou groep het dit skraps en het doelbewus baie minder bestel as al die ander is dit bedagsaam om die punt te maak dat hulle nie by die gelykop-deel ingesluit moet word nie.Moenie jou foon tydens ete saam met vriende gebruik nie. As daar iets dringends is, verskoon jouself, stap weg van die tafel, hanteer dit, en sit dan jou foon af. Stuur 'n dankie-boodskap ná ’n kuier. Dit is beleefd om erkenning te gee aan 'n aangename tyd. Vriendelikheid en bedagsaamheid is etiket 101.Moet nooit met leë hande by iemand se huis opdaag nie. 'n Bottel wyn is dalk 'n bietjie voorspelbaar, maar as jy daardie paadjie loop, maak seker dit is 'n wonderlike of interessante bottel. Suinigheid is onaantreklik. Andersins, dink in die rigting van olyfolie, 'n boksie Maldon-sout, 'n vrugtekoek of 'n paar mooi kombuishanddoeke. As jy blomme bring, is dit bedagsaam om die blomme sommer in 'n vaas te bring – dan hoef jou gasheer nie na 'n houer te soek terwyl hulle eintlik probeer om aandete gereed te kry nie.As jy saam met vriende weggaan, is die reël gewoonlik dat die persoon wat die moeite gedoen het met die organisering van die wegbreek, die eerste keuse van slaapkamer kry.Wanneer jou gasheer begin skottelgoed was, is dit regtig tyd om huis toe te gaan.

Digitale etiketDit is bedagsaam om te SMS of WhatsApp voordat jy iemand bel wat nie 'n goeie vriend is nie. “Gee jy om om ’n oproep te neem? Laat weet my wanneer dit jou pas." Hierdie is 'n hoeksteen van die nuwe digitale etiket.Moet nooit op 'n boodskap reageer met “K." nie. Die kombinasie van die enkele letter en die punt lyk onvriendelik. Boomers dink dalk hulle is cool, maar vir Gen Z beteken dit “get lost".As jy iemand teëkom wat jou duidelik nie onthou nie, moenie doekies omdraai nie. Sê net: “Ek dink ons ​​het al voorheen ontmoet," en stel jouself weer voor.As jy iemand teëkom wie se naam jy nie kan onthou nie, kan jy dit net sowel erken met: “Ek is jammer. Ons het al ontmoet, maar ek is berug vir name vergeet.”Moet nooit jou foon op luidspreker in die openbaar gebruik nie. Praat sagter wanneer jy oproepe in die openbaar neem.Sit jou foon se klank af wanneer jy in openbare plekke is.Hou jou foon in jou sak (of stel dit op stil en gesig na onder op die tafel) wanneer jy by 'n ete of 'n vergadering is. Om dit nie te doen nie, stuur 'n boodskap aan almal dat hulle nie jou onverdeelde aandag het nie.Moenie mense dwing om deur foto-albums op jou foon te ploeg nie. Jou vakansiefoto's is nie regtig so interessant vir enigiemand anders nie, belowe. En grootouers, moenie julle fone uitpluk om foto's of video's van julle kleinkinders te wys nie, tensy iemand vra. Die manewales van ander mense se kindertjies is vir die meeste mense nie ’n belangstellingsgebied nie.As iemand 'n e-pos aan 'n groep stuur wat nie 'n groepantwoord vereis nie, moenie “reply all" nie. Antwoord direk aan die persoon wat dit gestuur het.Moenie op alle tye van die dag of nag tekste afvuur nie. As jy nie iemand op 'n spesifieke tyd sou bel nie, is 'n teks ook onvanpas.En dan 'n groot een: moenie iemand bombardeer met opeenvolgende eenreëltekste nie. Nie net laat dit die persoon se foon voortdurend ping nie, dit maak dit is ook moeilik om op 'n hele reeks verskillende gedagtes te reageer. Skryf die goed tog net in een teks.Hou stemmemo's kort en ter sake. Die uitsondering is wanneer jy 'n boodskap aan 'n geliefde stuur – hier kan kronkelende betekenisryke woorde sterk aanbeveel word.Hoe om 'n WhatsApp-groep te verlaat: Maak nie saak hoe jy dit doen nie, dit sal onvermydelik soos 'n primadonna-skuif lyk. 'n Elegante oplossing is om die groep te argiveer. Dit beteken dat jy nie hoef te reageer of betrokke te raak nie, en niemand sal weet jy is nie meer ingeprop nie.Moenie jou volwasse kinders op sosiale media bekruip nie. Dit is creepy.Moenie spog met jou kinders se prestasies nie – of dit nou jou baba is wat deur die nag slaap of 'n kind wat eksamen aflê. Niemand stel regtig belang in die prestasies nie. En dit laat jou net jammerlik self-geabsorbeer lyk (wat jy waarskynlik is as jy in die eerste plek die drang het om dit te doen)...