Boeke om jou te laat lag: Ons wil skater, maters

SAL daar ná hierdie waansinnige dae ’n nuwe letterkundige genre kop uitsteek – die grendelroman? En behoort enigiemand selfs te probéér om Anne Frank se dagboek die loef af te steek?

Wat ons nou nodig het, is om te lag. Ons wil skater, maters.

Watter boeke het my laat lag? Dié wat ek gelees het toe ek bloedjonk en beïnvloedbaar was, bly my by. Herman Charles Bosman se Groot Marico-stories het ons laat runnik. Zapzap: In Seepunt gaan dit pienk en plesierig was chaoties grappig. ’n Oujongnooi-skrywer en ’n uitgewersklerk raak met ’n bende rowers slaags wanneer haar papiersak vol geld met die boewe se buit deurmekaar raak. Elsa Joubert se eggenoot, Klaas Steytler, het dit onder die skuilnaam Jan Harmse geskryf...