En die Swak Seks in Letterkunde-prys gaan aan ...

VAN kleins af het ek geweet: Dis ’n potsierlike besigheid dié. My enigste seksopvoeding was Carry On-flieks by die inry: Ons het op die agtersitplek roerloos onder ’n kombers gelê terwyl my ouers betaal, want daar was ’n ouderdomsperk. Ek was ’n insomniese kind en het later deur my vingers geloer na die aardige, jolige geboing-boing-boinggg op die silwerskerm. Soos Duracell-hasies.

Dan het ek op laerskool tot my edifikasie die formele bewoording gelees in ’n traktaatjie van ’n maatjie wat ’n Jehovasgetuie was. Mag hierdie beker my verbygaan, het ek sidderend gedink.

My partner het nog nooit ’n man in die Bybelse sin geken nie. Toe hulle jonk was, neem haar broer eendag ’n blue movie uit. Skielik hoor hy kokhalsgeluide: sy suster wat in die potplant opgooi...