DALK is een van die dinge wat ons eendag oor hierdie vreemde tyd sal oorvertel hoe mense oor die wêreld heen hul verbeelding ingespan het om deel te neem aan kreatiewe projekte soos die #gettymuseumchallenge, waaroor Marita van der Vyver hier (https://www.vryeweekblad.com/mense-en-kultuur/2020-04-30-kuns-word-lekkerder-as-kinderspeletjies/) skryf, en die #advancedstylechallenge (https://www.vryeweekblad.com/lewenstyl-en-kos/2020-05-14-gevorderde-styl-n-mode-ode-aan-tydlose-sa-vroue/), waarmee ons twee weke terug saamgespeel het.

Sosiale isolasie? Projekte soos hierdie is juis die teenpool daarvan. In 'n wêreld waar mense skuiling soek teen 'n gemeenskaplike gevaar, skep dit gemeenskappe en bring ons nader aan mekaar. 

Tans is boeke aan die beurt. Aangespoor deur die #gettymuseumchallenge waar mense beroemde kunswerke nageboots het – dikwels met skreeusnaakse resultate – het New York se openbare biblioteek mense uitgedaag om hul gunsteling-boekomslag te herskep. Elders het biblioteke en uitgewerye begin saamspeel onder die hutsmerk #bookcoverdouble...

DEEL