LUISTER | Covid krap alles om, maar Wenda Nel mik vir ’n gróót Spele

SOOS die res van die wêreld se beste atlete moes Wenda Nel nou aan die Olimpiese Spele in Tokio deelgeneem het. Pleks daarvan kon sy onlangs vir die eerste keer in vyf maande op die atletiekbaan kom om te oefen. Boonop het sy en haar man, Jacques, self ook Covid-19 opgedoen.

Luister hoe Wenda vertel hoe Covid-19 en die inperking haar oefenprogram en beplanning vir die spele in Japan beïnvloed het, en hoe sy dit hanteer het.

Die pandemie het die Internasionale Olimpiese Komitee en die Japanse reëlingskomitee laat besluit op nuwe datums vir die Spele. Dit sal nou aanstaande jaar op 23 Julie begin en tot 8 Augustus duur. Hoewel dit dus in 2021 sal plaasvind, word dit steeds amptelik as die Olimpiese Somerspele van 2020 beskou. Dit is die eerste keer dat die moderne Olimpiese Spele uitgestel is, en dit sal ook die eerste Olimpiese Spele in 'n onewe jaar wees. ..