Die mens is nie inherent boos nie – en idees is so aansteeklik soos siektes

RUTGER BREGMAN het verlede jaar die versamelde biljoenêrs by die Wêreld Ekonomiese Forum in Davos berispe omdat hulle bloot lippediens aan ongelykheid bewys. “Niemand opper die kwessie van belastingontduiking en die rykes wat nie hulle deel betaal nie. Dit is soos om na ’n brandweerkonferensie toe te gaan en nie oor water te praat nie,” het hy aan die stomgeslaande gehoor gesê.

Hy wou nie skok nie, het hy later gesê, hy was bloot gatvol. Bregman het oornag ’n mediasensasie geword en meer as drie miljoen mense het na sy TED-praatjie, “Armoede is nie ’n gebrek aan karakter nie, dit is ’n gebrek aan kontant”, gekyk.

Bregman is op grond van sy eerste boek, wat ’n internasionale blitsverkoper geword het, Utopia for Realists, na Davos genooi. Sy tweede boek, Humankind, wat onlangs in Suid-Afrika beskikbaar geword het, trek ewe veel aandag. Sy teorie, gegrond op historiese voorbeelde, is dat mense inherent goed is ten spyte van al die nare goed wat hulle doen...

DEEL