Lesse van ’n seekat | Alle liefde is ’n risiko

AS jy nog nie na My Octopus Teacher gekyk het nie, moet jy dadelik ophou lees.

Hierdie film, oor die buitengewone band tussen ’n man en ’n seekat, is tegelykertyd so mooi, so hartseer en so besielend dat ek nie die storie vir jou wil vooruitloop nie.

As jy dit wel reeds gesien het, hoef ek natuurlik nie veel vir jou te sê nie. Ons – ek en jy – weet nou meer van seekatte, pajamahaaie, die kelpwoude aan ons kus waar waterplante so hoog soos bome groei, en oor die ontwykende aard van die liefde, as wat ons ooit verwag het...