Twee dorpies plaas die regering onder termyn: ‘Ons gryp nou in’

KOSTER is ’n stofwolk-dorpie in die Noordwes-provinsie. En soos in die meeste klein dorpies oor Suid-Afrika heen vreet die verval en agteruitgang aan die nate. Die munisipale infrastruktuur het oor die jare uitmekaargeval – met onverwerkte rioolvullis in die strate en riviere, krane wat vir weke droog is, slaggate en vullis oral.

Dit kom vir jare aan.

In 2018 bereik die inwoners se keelvolheid breekpunt, en die gemor oor korrupsie in die munisipaliteit raak al hoe harder. Uiteindelik kook die woede oor (https://www.bbc.com/news/world-africa-44633331) toe die burgemeester, in die arm en gehawende dorpie, die pad na haar luukse gastehuis laat teer. Haar huis, asook ander besighede wat aan haar behoort, word deur inwoners afgebrand. Sy en 12 raadslede vlug Rustenburg toe...