Doodgebore monumente móét leef

TASBARE SKAKELS MET VERLEDE

Doodgebore monumente móét leef

Die gedenktuin ter nagedagtenis van die Cradock Vier is oorgroei en vervalle slegs twee jaar ná sy opening op Menseregtedag in 2019. Miljoene rande en onmeetbare hartseer later lyk dit asof apartheid daarin geslaag het om selfs swart mense te laat glo in die waardeloosheid van swart lewens, skryf ABIGAIL CALATA.

LUIDENS berigte het die toerismedepartement byna R29 miljoen se belastinggeld in dié projek gestort, wat nou vir 'n tweede keer herleef moet laat word. Die vraag is egter of herstelwerk dié keer gaan plaasvind.

Navrae is aan die departement en die dorp se Inxuba Yethemba-munisipaliteit gerig. Slegs die munisipaliteit het by monde van sy woordvoerder, Kuhle September, terugvoering gegee. “Die departement van toerisme het die gedenktuin amptelik aan die munisipaliteit oorhandig. Ons is verantwoordelik vir die sekerheidsdienste en onderhoud daarvan. Tot dusver is slegs vir die sekerheidsdienste begroot,” het hy gesê. 

Die Fort Calata-stigting het in 'n onlangse verklaring gevra dat regeringslui “'n formele ooreenkoms met die families van die Cradock Vier sluit om die tuin te bestuur en te onderhou”. Die hoop is dat die families met steun vanuit die gemeenskap die werk doen terwyl die owerhede die geld beskikbaar stel. Volgens September is die dorpsraad in beginsel bereid om in dié opsig met die families saam te werk...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.