Jane Fonda in drie bedrywe

JANE FONDA se derde bedryf het 23 jaar gelede begin, met haar 60ste verjaardag.

In ’n onderhoud met Oprah Winfrey kort daarna het sy dit só beskryf: “As aktrise weet ek hoe belangrik die derde bedryf is. Die derde bedryf maak sin van die eerste en tweede. Die eerste en tweede bedryf kan interessant wees, maar jy weet nie wat hulle beteken nie. Dan trek ’n goeie derde bedryf alles bymekaar.”

Dit was ’n weerlose Fonda wat met Winfrey gesels het. Haar huwelik met die mediamagnaat Ted Turner was pas verby en sy het tydelik by haar dogter, Vanessa, in ’n voorstad van Atlanta tuisgegaan. Sy was vir die derde keer met ’n alfa-man getroud, en het vir die derde keer ervaar dat sy haarself ter wille van ’n verhouding opsy skuif. Sy was meer as 10 jaar laas op die verhoog...