’n Hart is so groot soos ’n vuis – ’n opstopper in die midrif

SEKERE woorde hoort nie in dieselfde sin nie, soos “kind", “verslaafde", “drank", “woede", “geweld".

Soos “hart" en “vuis". Hulle is min of meer dieselfde grootte, en teenoorgesteldes: 'n Hart is sag en'n vuis hard. Dis 'n nommerpas titel, weerloos sowel as vernietigend, soos die boek. 'n Mens lees met ’n hart wat in jou keel klop, met vuiste gebal teen die aanslag van monsteragtige geweld. P.P. Fourie kry dit reg om sy kleintydtrauma deel van jou bloedstroom te maak.

Diere het horings en kloue en tande. Mense het vuiste, en huise is vol wapens soos handdoekrelings van staal. En waar daar wapens is, sal hulle ingespan word, en meestal teen sagte teikens...