Als was bakgat … en toe sit Jan van Riebeeck voet aan wal

POSTHUMUS het onlangs Suid-Afrika verlaat nadat hy vir meer as agt jaar die Nederlandse korrespondent vir Trouw en Het Financieel Dagblad was, en neem afskeid met 'n boek wat tot dusver lowend ontvang is deur kritici in Nederland en België.

Alle problemen begonnen met Van Riebeeck: Wat Nederlanders niet weten over hun rol in Zuid-Afrika werp 'n vars blik op Suid-Afrika se koloniale geskiedenis aan die hand van 'n hedendaagse reis in die voetspore van die eerste Nederlanders wat toevallig hier aanland toe hul skip, die Haerlem, iewers voor Bloubergstrand in 1647 skipbreuk gelei het. En volg hul nasate ooswaarts, die binneland in, en uiteindelik na de noorde deur Kimberley, Potchefstroom, Orania en Johannesburg. Hoewel die boek op 'n Nederlandse leserspubliek gerig is, bied dit 'n oorvloed stof tot nadenke vir Suid-Afrikaners.

Die titel van die boek ontleen Posthumus aan 'n uitspraak van oudpresident Jacob Zuma tydens die 103de bestaansjaarviering van die ANC. Dit dien as katalisator vir sy eie reis deur Suid-Afrika om te probeer vasstel hoeveel waarheid daar in die stelling steek. Die boek is ook sy antwoord op die vraag oor waarom Nederlanders so min weet oor (en weinig belangstel in) hierdie deel van hul koloniale geskiedenis...

Deel