Totsiens, my liewe, lewenslange vriend Anthony Sher

MY liewe Tony, my sielsbroer, vriend, kollega, denker, perfeksionis, persoonlike leermeester, inspirasie en bedrewe kunstenaar – hierdie is my eie, persoonlike “Hello and Goodbye” aan jou. 

Ons eerste “Hello” was op die strand in Seepunt – jy soos 'n mier in 'n heeltemal te groot swembroek, ek in 'n nat een met tossels aan, en ons altwee met soliede blertse Nivea op die neus! En dit was 'n hele 68 jaar gelede!

Ons volgende “Hello” was by die Kaapstadse Eistedfodd, waar jy 'n fantastiese Thomas á Becket gelewer het – jy het ’n eretoekenning en onderskeiding gekry, ver meer as enigeen van ons. Jy het altyd die indruk van waardigheid en gravitas geskep, selfs op daardie jong ouderdom. En ek? Ek het ’n stormende bul met 'n sagte hart in die improvisasie-afdeling gespeel. Komedie, ’n eretoekenning, maar g’n snars gravitas of waardigheid nie! Ek onthou hoe jy agter die verhoog gelag het, en ek was nogal in my noppies dat jy gehou het van wat ek gedoen het!..

Deel