Gee my ’n bietjie country

LAURIKA Rauch is ’n ikoon. Met reg. Die stem. Die optredes. Die loopbaan wat in 1979 met alle erns vlamgevat het en deur dekades nooit werklik getaan het nie. “Kinders van die wind”, “Die mense wat ek liefhet”, “Op Blouberg se strand”, “Hot gates”. Haar opnames van ander sanger-liedjieskrywers soos Valiant Swart se “Sonvanger”, Gian Groen se “Vier seisoene kind”, Lize Beekman se “Sonneblom uit Bethlehem” en André Swiegers se “Blou”. En natuurlik treffer op treffer geskryf deur haar man, Chris Torr. Laurika is met reg die grande dame van Afrikaanse musiek.

Maar Rauch en country? Country soos in stetsons en ’n twang? Kan dit wees?

In November 2020 skryf sy op Facebook (https://www.facebook.com/LaurikaRauch): “In die vroeë tagtigs het ek Johan Wessels, oftewel Kupido of Kupie soos wat ons hom genoem het, vir die eerste keer ontmoet...