×

Ons het nuus vir jou.

Registreer gratis op Vrye Weekblad en ontvang nuusbriewe per e-pos, lewer kommentaar en meer.
Registreer nou
The end is nigh … of is dit?

ONS WAG OP DIE KAPTEIN

The end is nigh … of is dit?

Waarom het ons in ons koppe, in ons selle, ’n hunkering na ’n utopie? Na regverdigheid, voorspoed en guns? Waarom skok die slegtigheid van mense ons keer op keer, wonder DEBORAH STEINMAIR.

OORDEELSDAG, Armaggedon – in my kop is woorde vir die sogenaamde eindtyd in Bybelse terme geklee. My ouma, my rolmodel, was ’n vroom Chilias. Dit beteken iemand wat glo dat Christus sy ware gemeente kom wegraap. Daarna kom ’n Groot Verdrukking vir die onregverdiges, gevolg deur ’n Duisendjarige Vrederyk. Sy het vas geglo dit sou in haar leeftyd gebeur. Jesus se dissipels het ook geglo hy sou in hul leeftyd terugkom, en so ook vele heiliges deur die eeue. My ouma het my geleer dat ek nooit sou grootword en kinders kry nie. Toe ek 12 was, is sy alleen weggeraap, soos deur ’n dief in die nag. Was sy verbaas om Petrus by die poorte te sien? Skielik het ’n lang en eensame toekoms voor my uitgestrek.

Wanneer dit swaar gaan (soos min of meer regdeur die geskiedenis van die mens) word daar immer weer na hierdie strooihalm gegryp: Sekerlik moet dit die laaste van dae wees. Die uurglas loop leeg. Die oordeel is vol. Die kruik het by die put geval. Die seëls is gebreek en die trompet geblaas.

Ons kyk op Netflix na ’n doku-reeks, Sins of Our Mother. ’n Mormoonse vrou raak te vroom vir haar skoene, vol goddelike toorn, en moor almal wat volgens haar deur bose geeste besete is. Dit sluit in haar eksman, haar dogter en stiefseun. En die vrou van die pastoor in wie sy, volgens haar, haar eweknie in regverdigheid en godvresenheid gevind het. Saam wou hulle laer trek en die 144,000 uitverkorenes voorberei op die eindtyd. Spoiler alert: Sy het haar kinders op die werf begrawe en pakkamers vol blikkieskos versamel. Daar is altyd blikkieskos betrokke by komplotteorieë. Wat word van dié berge blik ná die vervaldatums?..

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 November af sal jy ’n subskripsie kan uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.