Liezl van der Merwe: die Bette Midler van SA politiek (minus die ...

RISSIEPIT

Liezl van der Merwe: die Bette Midler van SA politiek (minus die drama)

Dertien jaar gelede het sy as groentjie die IVP se mediabeampte geword. Sedertdien het sy skade, skande en oorwinning beleef en ontpop as een van Suid-Afrika se mees beginselvaste politici. ANNELIESE BURGESS het met Liezl van der Merwe gesels.

SY eet rissies saam met haar brekfis (en dra ’n botteltjie in haar handsak). Dit maak sin: ’n perfekte metafoor vir die vuurvreter van ’n agterbanker. ’n Smeulende skoot brand in die vaal, voorspelbare wêreld van parlementêre politiek.

Met haar fyn hoëhakskoene, jas met die Afrika-patroon, wilde boskasie van ’n kop en die diep lag wat uit haar rol soos branders, laat sy my onwillekeurig dink aan die aktrise Bette Midler – slim, vreksnaaks, sonder pretensie (maar minus die drama).

Liezl Linda van der Merwe (familiebynaam: Wurm) ontmoet my op ’n stil oggend tydens die parlementêre reses in haar sonder-fieterjasies-kantoor in die Marks-gebou langs die parlement. Haar kantoor is reg langs dié van Mangosuthu Buthelezi, wat onlangs afgetree het as die leier van die Inkatha-Vryheidsparty (IVP), maar vir nou nog die leisels in die parlement vashou...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Vrae of probleme?
E-pos hulp@vryeweekblad.com of skakel 0860 52 52 00.

X