Niemand nog agter tralies vir SA bewaringsheld se skietdood

WAYNE Lotter (51) en Krissie Clark, sy vennoot in die PAMS-stigting (Protected Area Management Support) in Tanzanië, was laataand op 16 Augustus 2017 op pad van Dar es Salaam se lughawe na hul hotel voordat hy na Suid-Afrika sou vlieg toe sy moordenaars hul taxi van die pad af gedwing en die deur oopgeruk het.

Wayne was op die agtersitplek besig om op sy skootrekenaar te werk. Hy is met ’n enkele skoot doodgeskiet voordat sy aanvallers met sy selfoon en skootrekenaar gevlug het.

“Ons vermoed hy is vroeër eers tot by die Kilimandjaro-lughawe gevolg en sy aanvallers het hom ingewag nadat sy vlug in Dar es Salaam geland het. Hy het so ’n bedreiging vir die stropers en ivoorhandelaars geword dat hulle hom permanent buite aksie wou stel,” vertel sy weduwee, Inge...