Vroueslaners: Die vuiste bly praat en die monde bly dig toe

DIE huis is in ʼn kompleks in Johannesburg se eindelose grys, winkelsentrumbesaaide noordelike dele. Als hier rond is “Estates” en “Gardens” en “Retreats”, vernoem na die Skotse Hooglande, Franse provinsies en Spaanse oorde. Hulle is almal ewe argitektonies middelmatig.

Afgetrede egpare draf die oggend binne met hul sagte, geplooide vlees wat verby die huiswerkers, op pad na hul eie weergawes van verveling en futiliteit, vloei.

In hierdie baksteen-wêreld met wagte en heinings woon Johan en Klara Noordwyk*. Hulle is middeljarig en beskryf hulself as middelklas, maar die duur meubels in die meenthuis en die Range Rover in die motorhuis laat dit blyk dat hulle hul posisie op Suid-Afrika se sosiale leer onderspeel. Die enigste tekens van doodgewoonheid in die Noordwyk-huis is die CD-rak waar kommersiële meesterstukke uit die 1980’s soos Chris de Burgh se “Into The Light” en Roxette se “Look Sharp!” pryk...