KITSKENNIS | Van vetgesmeerde blits tot bloedbesmeerde brein

Is daai ou mal in sy kop om so vinnig te ry?

Hy is beslis, maar terselfdertyd is sulke jaagduiwels nie juis ’n seldsame verskynsel op ons paaie nie:


In Februarie verlede jaar is ’n 30-jarige man teen 222 km/h op die N1 suid van Johannesburg betrap.
In Julie verlede jaar is ’n video (https://youtu.be/L-YnnLqe7qo) op sosiale media versprei van ’n man wat volgens die snelheidsmeter 322 km/h op die besige R21 in Johannesburg gejaag het. Hy is sover bekend nog nie vasgetrek nie.
In September is ’n 36-jarige man in Kempton Park tot 10 maande tronkstraf of ’n boete van R20,000 gevonnis nadat hy in 2018 teen 172 km/h in ’n 120 km/h-sone betrap is.
In Oktober verlede jaar is ’n 25-jarige motorfietsryer in Alberton teen 144 km/h in ’n 60 km/h-sone betrap...