Leon Wessels | Die politieke en morele evolusie van ’n Afrikaner

... OLIVER Tambo het landuit gevlug net ná die Sharpeville-tragedie om ’n buitelandse sending vir die ANC te vestig. Twintig jaar later kon hy nie meer geïgnoreer word nie. Sy toesprake en aktiwiteite in die buiteland het dit maklik gemaak om hom as die leier van ’n spul terroriste te brandmerk. Ons sou nooit toelaat dat hulle die mag steel en Pretoria binneval met hul AK-47’s nie.

In die 1980’s was dit duidelik dat ons ons strategie moes verander. Tambo en sy volgelinge sou deel moes wees van die politieke skikking as ons vrede in Suid-Afrika wou hê.

Sy toesprake in die internasionale arena moes nou versigtig beskou word. Wie was hierdie pyproker wat altyd aan sy sy was wanneer hy in die openbaar verskyn het? Niël Barnard, hoof van die nasionale intelligensiediens, het vir my gesê dis Thabo Mbeki, ’n intellektueel wat die vloer sal vee met enige NP-agterbanker as ons met hom sou moes debatteer terwyl die internasionale media toekyk...

DEEL