Vra vir pappie oor TZ se bloed aan sy hande, Duduzane

ZUMA-MITOLOGIE

Vra vir pappie oor TZ se bloed aan sy hande, Duduzane

Oudpres. Jacob Zuma en sy seun Duduzane is besig om die geskiedenis te herskryf om sy narratief te pas. In 'n reeks uitsendings op YouTube, genaamd Zooming with Zumas, wat al deur honderde duisende mense bekyk is, vertel hy van sy dae in ballingskap en op Robbeneiland. Maar die een hoofstuk in sy lewe wat die twee nié gaan bespreek nie, is sy rol in die dood van Thami Zulu, 'n Umkhonto we Sizwe-bevelvoerder, in Lusaka in 1989. Dalk vertel dit meer van wie Zuma werklik is as enige ander staaltjie. MAX DU PREEZ het dié skandaal al 25 jaar gelede nagevors en som die getuienis op.

THAMI Zulu was die nom de guerre van Muziwakhe Ngwenya – seun van 'n prominente Soweto-familie, albei sy ouers was skoolhoofde – wat in 1954 gebore is. Hy was in 'n elite-skool in Swaziland (eSwatini) en was 'n universiteitstudent voor hy in Desember 1975 by Umkhonto we Sizwe (MK) aangesluit en die naam Thami Zulu aangeneem het.

Ngwenya was 'n welsprekende, besonder intelligente, aantreklike jong man en ewe tuis in Engels as in Zoeloe, wat hom tussen die MK-rekrute laat uitstaan het.

Die MK-bevelvoerders Joe Slovo en Chris Hani het sy potensiaal raakgesien en hom in 1979 na 'n vergadering van die Suid-Afrikaanse Kommunisteparty se sentrale komitee in Oos-Berlyn genooi, waar hy die jongste afgevaardigde was...

Registreer gratis om hierdie artikel te lees.

Hallo! Vrye Weekblad het op 1 Oktober 2022 geskuif van Arena Holdings na die Nuwe Vrye Weekblad Mediagroep. Dit beteken dat ons jou asseblief moet vra om weer ’n lesersprofiel te skep.

Dít sal jou vir Oktober, wat C. Louis Leipoldt nie verniet “die mooiste, mooiste maand” genoem het nie, toegang gee tot alle artikels wat in dié maand gepubliseer is.

Ons hoop dit gee Arena genoeg tyd om alle uitstaande subskripsiegelde aan huidige intekenare uit te betaal.

Van 1 Januarie 2023 sal jy 'n subskripsie uitneem. Maar vir nou is alles mahala! Geniet dit. En dankie dat jy weer met ons is!

Reeds geregistreer? Kliek “Meld aan” om voort te gaan

Vir nuwe VWB 3.0-navrae: WhatsApp 071 170 8927 (net vir teksboodskappe). Vir ou Arena-subskripsie-navrae: Skakel 0860 52 52 00 of e-pos hulp@vryeweekblad.com.