Maart 2015: Eskom se donkerste uur

IN Maart 2015, het die Zondo-kommissie van ondersoek na staatskaping vandeesweek gehoor, is die kapingskrane by Eskom heeltemal oopgedraai. Dis 'n verhaal van politieke inmenging op die hoogste vlak ten einde seker te maak Eskom se hoogs winsgewende kontrakte is aan die “regte" mense toegeken.

Die “herontplooiing" 'n maand later van die toe reeds gekaapte Transnet na Eskom van Brian Molefe en Anoj Singh as onderskeidelik bedryfshoof en finansiële hoof kon inderdaad die werk van die Gupta-broers gewees het, het die kommissie se voorsitter, regter Raymond Zondo, vandeesweek gesê.

Tshediso Matona, 'n vorige bedryfshoof van Eskom, sowel as Zola Tsotsi, gewese voorsitter van Eskom se raad, het getuig hoe die Guptas hul tentakels in Eskom ingestuur het sodat hulle later die een vet kontrak ná die ander kon inpalm...