Die kaartehuis begin tuimel om Mr Ten Percent

ZONDO-KOMMISSIE

Die kaartehuis begin tuimel om Mr Ten Percent

Ace Magashule se stilte voor die Zondo-kommissie het oorverdowend geword, skryf YOLANDI GROENEWALD.

TOE MAGASHULE in 2009 die leisels as premier van die Vrystaat oorgeneem het, was daar aanvanklik ’n hoopvolle visie: bou huise vir die armes, red kwesbare mense uit die toksiese ou asbes-huise waarin hulle woon, skep werk deur ’n innoverende landbouprojek in dié arm provinsie wat smag na ordentlike ontwikkeling.

Maar gaandeweg het dit duidelik geword al hierdie projekte was maar net ’n front vir plundery en geldwassery, en daar het net mooi niks gekom van enige ware poging om die mense van die Vrystaat te help nie, het die Zondo-kommissie van ondersoek na staatskaping keer op keer die laaste paar maande gehoor. Uit Magashule se eie mond het die kommissie egter nog nie ’n dooie woord gehoor nie.

Die Gautengse sakeman en nou bekende tenderpreneur Edwin Sodi het doodluiters inkriminerende betalings na invloedryke ANC-leiers en behuisingsamptenare afgemaak as “bietjie hulp aan ’n vriend of ’n sakevennoot”, van iemand wat self met hope geseën is. ’n Potjie gholf sou tien teen een vir Sodi meer laat sweet het as Zondo. Hy het biljoene uit verdagte staatskontrakte gemaak en nog nooit daarvoor verantwoording gedoen nie...

Slegs Vrye Weekblad-intekenaars kan hierdie artikel lees.

Teken nou in vir volle toegang tot alle Vrye Weekblad-inhoud. Daar is ’n spesiale tarief vir pensioenarisse.

Reeds ’n intekenaar? Kliek “Meld aan” om voort te gaan

Het jy ’n intekenbewys? Gebruik dit nou.

Vrae of probleme?
E-pos hulp@vryeweekblad.com of skakel 0860 52 52 00.

X